«Җиңү проспекты» станциясендә административ-көнкүреш комплексы төзелгән

(Казан, 14 июнь, "Татар-информ", Ирина Игнатьева). Казанның метро төзүчеләре «Җиңү проспекты» станциясен төзегән вакытта кирәк булачак административ-көнкүреш корпусларны торгызды, дип хәбәр итте "Татар-информ" агентлыгына "Казметрострой" МУП башлыгы урынбасары Вениамин Тәрҗеманов.

Искә төшереп үтәбез, метро төзүчеләргә чираттагы станцияне төзергә керешкәнче остаханә, көнкүреш комплексы, бер сүз белән әйткәндә, төзелеш вакытында инженер-техник персоналны урнаштыру өчен шәһәрчек кирәк. Эшчеләр өчен тиешле шартлар – душ бүлмәләре һәм киенү, кием киптерү урыннары ачыла. Метро төзүчеләр мондый административ-көнкүреш комплексын «Җиңү проспекты» станциясе булачак урында торгызган. Бу пункт җитәкчегә, корылмалар инженер-техник персоналга, механика һәм столяр цехлары, көнкүреш комплексы эшчеләргә билгеләнгән. Моннан тыш, станция төзеләчәк мәйданда планлаштыру эшләре үткәрелгән.