^Оренбург трактындагы юл эшләре июль ахырына тәмамлана

(Казан, 7 июнь, “Татар-информ”, Ирина Игнатьева). Юл төзүчеләр Оренбург трактын июль азагына кулланылышка тапшырырга вәгъдә итә, бу әлеге объектта төзекләндерү эшләрен үткәрү графигына туры килә. Исегезгә төшерәбез, Оренбург трактында әзерлек эшләре апрель урталарында башланды. Бу вакыт эчендә юл предприятиеләре – “ТР Юл хезмәте” ҖЧҖ һәм “Камдорстрой” ААҖ – юл өслеген реконструкция үткәрүгә әзерләгән. Моннан тыш, юлның ике ягыннан да Казанда беренче тапкыр кулланылган технология буенча борт ташы салынган. Элек булганча кулдан түгел, махсус техника ярдәмендә. Бу максатлардан башкалага Чаллыдан юл төзүчеләре чакырылган. Аларның “Командор” машинасы ташны коеп бара һәм монолит итеп ясый. Соңрак Татарстан, Уң һәм Сул Болак урамнарында да борт ташы шул ысул белән салыначак. Оренбург трактына килгәндә исә тиздән биредә Танк боҗрасыннан алып юл үткәргечкә кадәр мәйданда асфальт җәеләчәк. Ә менә юл үткәргечтән ЮХИДИ постына кадәр арада әлегә җир эшләре бара. Трактта яңа урам яктырткычлары да куелачак.