Казанның К.Маркс урамы буенча шәһәр транспорты хәрәкәте схемасы үзгәрә

Бу төзекләндерү эшләре белән бәйле

(Казан, 4 июнь, “Татар-информ”). Бүгеннән 18 июньгә кадәр Казан шәһәренең К.Маркс урамы буенча шәһәр транспорты хәрәкәте схемасы үзгәрә. Үзгәрешләр, А. Пушкин урамыннан алып Л. Толстой урамына кадәрге участокта төзекләндерү эшләрен башкару белән бәйле, диелә Казан мэриясе матбугат хезмәте хәбәрендә.

Казан Башкарма комитетының Транспорт комитеты хәбәр иткәнчә, 10а, 30, 35, 54, 63, 91нче номерлы автобус маршрутлары М. Горький урамы аркылы узачак. Моннан тыш, 8 июньнән 18нә кадәр, югарыда күрсәтелгән К. Маркс урамыннан хәрәкәт итүче автобус маршрутлары кире юнәлештә Зур Кызыл урамы буйлап йөриячәк.