Арчада Татарстан фермерлары спартакиадасына әзерләнәләр
Ярышларда республиканың 8 районыннан фермер командалары катнашачак.
Скопировать ссылку
(Казан, 30 июнь, “Татар-информ”). Арчада бүген, 30 июньдә Татарстан фермерлары спартакиадасы узачак. Чара Халыкара кооперация көненә багышлана. Бу хакта Татарстан Авыл хуҗалыгы һәм азык-төлек министрлыгы матбугат хезмәте хәбәр итә.
Ярышларда Арча, Балтач,Саба, Буа, Кукмара, Теләче, Менделеевск, Питрәч районнары фермер командалары катнаша.
Алар милли көрәш, гер күтәрү, аркан тарту, җиңел атлетика, ераклыкка сикерү ярышларында һәм спортның башка төрләрендә катнашачак.