Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Арча районының бер авылында яшәүче ир-атның алимент буенча 700 мең чамасы бурычы җыелган
Арча район суды ир-атны, хезмәт хакының 5 процентын дәүләт файдасына тотып, 5 айга төзәтү эшләренә хөкем иткән.
(Арча, 17 март, "Татар-информ", "Арча хәбәрләре"). Арча районы Сарай-Чокырча авылында яшәүче 38 яшьлек ир-ат 2010 елдан балигъ булмаган баласы өчен алимент түләргә тиеш. Әмма ул аны түләми, улына матди ярдәм күрсәтми. Аның алимент буенча 670 мең сумнан артык бурычы җыелган.
Кәримов элегрәк алимент түләмәгән өчен административ җаваплылыкка тартылган була, аңа карата 30 сәгатьлек мәҗбүри эш билгеләнә. Әмма ул моннан тиешле нәтиҗә ясамый, закон таләпләрен бозуны дәвам итә.
Арча район суды ир-атны, хезмәт хакының 5 процентын дәүләт файдасына тотып, 5 айга төзәтү эшләренә хөкем итте, дип хәбәр итә Арча районы прокурорының өлкән ярдәмчесе, юстиция киңәшчесе Радик Хәбибуллин.
Кызыклы яңалыкларны күзәтеп бару өчен Телеграм-каналга язылыгыз