Арча районында оядан егылып төшкән бөркет балаларын яңа ояларга урнаштырганнар
Орнитологлар сүзләренчә, бөркет балаларына икешәр кош булган оя тапканнар.
Скопировать ссылку
(Казан, 21 июль, «Татар-информ»). Арча районындагы оядан егылып төшкән ак койрыклы өч бөркет баласы яңа оялы булган. Бөркетләрне Лаеш, Теләче һәм Балык Бистәсе районнарында булган ояларга урнаштырганнар. Бу хакта Татарстан Биологик ресурслар буенча дәүләт комитеты матбугат хезмәте хәбәр итә.
Орнитологлар сүзләренчә, бөркет балаларына икешәр кош булган оя тапканнар. Аларны яңа ояда калдырганда зур бөркетләр ауда булган һәм яңа кош куйганны сизмәгән.
Хәзер бу оялар орнитологларның даими күзәтүендә булачак.