Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Арча район башлыгы “Без Тукайны укыйбыз” дип исемләнгән әдәби марафон башлаган
Илшат Нуриев Инстаграмында Габдулла Тукайның “Эш беткәч уйнарга ярый” шигырен урнаштырган.
(Казан, 25 март, “Татар-информ”, Ләйлә Хәкимова). Арча муниципиаль район башлыгы Илшат Нуриев Инстаграмында Габдулла Тукайның тууына 133 ел тулу уңаеннан “Без Тукайны укыйбыз” дип исемләнгән әдәби марафон башлаган. Ул шагыйрьнең “Эш беткәч уйнарга ярый” шигырен укыган.
Район башлыгы әдәби эстафетаны язучы Разил Вәлиев һәм Татарстанның атказанган мәдәният хезмәткәре, "Тукай фонды" рәисе Риман Гыйлемхановка тапшырган.
- "Без Тукайны укыйбыз" (#әдәбимарафон) проекты – Инстраграм социаль челтәре кысаларында үткәрелә торган онлайн-проект. Проект Арча муниципаль районы, район мәдәният йорты һәм Арча үзәкләштерелгән китапханәләр системасы тарафыннан үткәрелә.
““Без Тукайны укыйбыз” дип исемләнгән әдәби марафон 25 март – 26 апрель көннәрендә үткәрелә. Чараның максаты – шагыйрьнең күпкырлы иҗатын пропагандалау, укучыларны язучының әдәби мирасы белән киңрәк таныштыру һәм иҗади сәләтләрен үстерү”, - диде Арча район мәдәният идарәсе җитәкчесе Рамил Мөхетдинов.
Әдәби марафонда һәркем катнаша ала. Аның өчен Габдулла Тукай шигырен (татар яки рус телләрендә) сайлап алып, марафон барышында укып, видеоязманы Инстаграм аккаунтыгызга #безТукайныукыйбыз хэштегы белән урнаштырырга кирәк булачак.
Кызыклы яңалыкларны күзәтеп бару өчен Телеграм-каналга язылыгыз