Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Арча һәм Кама Тамагы районнарында яңа прокурорлар билгеләнгән
Бүген Татарстан прокуроры Илдус Нәфыйков Арча районы прокуратурасы коллективына яңа билгеләнгән җитәкчене тәкъдим итте.
(Казан, 6 ноябрь, “Татар-информ”). Татарстанның Арча һәм Кама Тамагы районнарында яңа прокурорлар билгеләнгән. Бу хакта “Татар-информ” агентлыгына Татарстан прокуроры өлкән ярдәмчесе Руслан Галиев хәбәр итте.
“Россия Федерациясе Генераль прокуроры приказы нигезендә Арча районы прокуроры вазифасына юстиция өлкән советнигы Фәнис Шәйхаттаров билгеләнде.
Бүген Татарстан прокуроры Илдус Нәфыйков Арча районында прокуратура коллективына һәм Арча муниципаль районы активына яңа билгеләнгән җитәкчене тәкъдим итте”, - дип хәбәр итте Руслан Галиев.
Фәнис Шәйхаттаров 1975 елның 19 октябрендә Кече Чынлы авылында туган. Казан дәүләт университетының юридик факультетын тәмамлаган. Хезмәт юлын 1998 елда Кама Тамагы районында прокурор ярдәмчесе булып башлаган. 2003 – 2008 елларда Кама Тамагы районы прокуроры урынбасары, 2008 – 2018 елларда район прокуроры булган.
Элек әлеге вазифаны биләгән Ринат Ситдыйков республиканың Кама Тамагы районы прокуроры итеп билгеләнгән. Аны коллективка чәршәмбе, 7 ноябрьдә, тәкъдим итәчәкләр.
Кызыклы яңалыкларны күзәтеп бару өчен Телеграм-каналга язылыгыз