Арчада «Күрше» проектының кышкы сезоны чаралары дәвам итә
Скопировать ссылку
Арчада «Күрше» проектының кышкы сезоны дәвам итә. Районда яшәүчеләр 23 гыйнварда 13:00 сәгатьтә «Дуслык күпере» этномәдәни квестында катнаша алачак. Бу хакта «Арча хәбәрләре» хәбәр итте.
«Районда проект кысаларында оештырылган беренче чара «Җиңү паркы»нда үткән булса, киләсе чара Көнчыгыш бистәсендә урнашкан Г.Тукай исемендәге паркта (мәчет янында) узачак. Барыгызны да көтеп калабыз. Күңелле булачак!» – ди оештыручылар.