Арчада Донорлар көне булды
Арча Донорлар көне булды. Бу хакта «Арча хәбәрләре» газетасы яза.
Татарстан Республикасы Сәламәтлек саклау министрлыгы кан үзәгенең күчмә бригадасы Арча районына кайтты.
«Арча районына кайтырга яратабыз. Чөнки район үзәк хастаханәсе баш табибы Рифат Идрисов, донорлык буенче җаваплы табиб Рамил Фазуллин бу эшкә бик җитди карыйлар, тиешенчә оештыралар. Менә бүген дә 100дән артык донор кан бирде. Рәхмәт донорларга, донор көнен оештыручыларга. Канны бернинди дә медицина препараты алмаштыра алмый. Донорлар бик игелекле эш эшлиләр. Авыр хәлдә калучыларны үлемнән алып калалар. Кан бирүнең файдадан башка зыяны юк, кыска вакыт эчендә ул аны тулыландыра. Исән-сау булсыннар!» – дип сөйләде Бригада җитәкчесе Хәйдәр Абдрахманов.