Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Арча хакимияте бинасын мәдәният һәйкәле дип таныдылар
Арчада шәһәр администрациясе бинасы (Интернациональная ур., 39) мәдәни мирас объектларының бердәм дәүләт реестрына кертелгән. Тиешле карар дәүләт тарихи-мәдәни экспертизасы нигезендә кабул ителде.
Экспертлар төзелешнең датасын ачыклаганнар: ике катлы йорт 1853 елда төзелгән дип саналган, әмма архив документлары бина 1867 елда Богородица чиркәве каршындагы ике класслы мәхәллә училищесы өчен төзелгәнлеген күрсәткән. Төрле елларда биредә хатын-кызлар училищесы, шәһәр думасы, ә совет чорында район исполкомы урнашкан.
Йортның тарихы белән ике мөһим вакыйга бәйләнгән: 1917 елның 8 ноябрендә биредә Арча волостенда Совет власте игълан ителә, ә 1920 елның февраль-мартында бинаны «Сәнәк» күтәрелеше («Игенче Кара бөркет» күтәрелеше) катнашучылары басып ала.
Кызыклы яңалыкларны күзәтеп бару өчен Телеграм-каналга язылыгыз