Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Арча районындагы Сарай-Чокырча тимер юл разъезды торак пункты гамәлдән чыгарыла
Бүген Татарстан Дәүләт Советының 21нче утырышында Арча районы Урта Корса авыл җирлегендә Сарай-Чокырча тимер юл разъезды торак пунктын гамәлдән чыгару мәсьәләсе каралды.
Әлеге закон проекты беренче укылышта һәм тулаем кабул ителде.
Арча район башлыгы Алмаз Хисаметдинов билгеләп үткәнчә, Сарай-Чокырча торак пункт билгеләрен югалткан. «Кадастр карталарына караганда, Сарай-Чокырча тимер юл разъезды торак пункты урынында тимер юл урнашкан, анда бернинди төзелеш корылмалары юк, киләчәктә үсеш перспективалары да юк», – дип белдерде Алмаз Хисаметдинов.
Торак пункт территориясендә урман үсә. Тимер юл һәм Чокырча тукталыш платформасы бар. «Электр линиясе баганалары да, үзәкләштерелгән су белән тәэминат та, газ белән тәэмин ителеш тә юк. Анда, шулай ук, социаль объектлар да, мәдәни мирас объектлары да юк», – диде Арча районы башлыгы.
Эчке эшләр министрлыгының Арча районы бүлеге белешмәләреннән дә әлеге торак пунктта берәү дә теркәлмәгәнлеге билгеле.
Кызыклы яңалыкларны күзәтеп бару өчен Телеграм-каналга язылыгыз