Арча районы авылларында яшәүчеләр махсус хәрби операциядә катнашучыларга ярдәм итә

«Өйдән җылылык белән» волонтерлык акциясенә Татарстанның Арча районы Урта Курса җирлегендә яшәүчеләр дә кушылды.

Түбән Курса һәм Урта Курса авылларында яшәүчеләр мәдәният йортында махсус хәрби операциядә катнашучылар өчен маскировкалау челтәрләре үрә. Волонтерлар челтәргә бәйләнгән һәр тукыма кисәгенә аерым мәгънә сала. Бу бит кемнеңдер гомерен саклап калу, хәрбине дошманнан яшерү мөмкинлеге булып тора.

Югары Курса авыл китапханәсендә «Ак калфак» хатын-кызлар клубы катнашучылары токмач кисте.

«Без алар белән, безнең уйлар егетләр белән. Берләшеп, теләсә нинди сынауларны уза алачагыбызга ышанабыз. Солдатлар үзләренең ялгыз түгеллеген, биредә үзләренә ярдәм итүләрен, ышанычлы тыл барлыгын сизәргә тиеш. Без аларга тугры булуыбызны күрсәтергә, гуманитар ярдәм җыярга, җылы сүз әйтергә тиеш. Бу безнең егетләр!» - диләр патриотик акциядә катнашучылар.

Югары Курса авылы халкы җылы әйберләр, җылы оекбаш, гигиена әйберләре, консерва, ярма, чәй, кофе һ.б. алып килә. Битарафлар юк.

«Теләсә кайсы дәүләтнең төп кыйммәте - кешеләр. Ә кешенең төп кыйммәте - хис-кичерешләр. Яхшылык - без бер-беребез белән уртаклаша алган һәм уртаклашырга тиешле хис-кичерешләр», - диләр алар.

«Без төгәл беләбез, безнең арада фронттагы хәрбиләр өчен борчылучылар күп. Бу безнең егетләр, безнең ирләр, бу безнең яклаучылар. Без алар өчен дога кылабыз һәм тизрәк өйләренә кайтуларын көтәбез. Безнең егетләргә ярдәм итү мөһим, чөнки кайчак гади сүз солдатның рухын ныгытырга, катлаулы хәрби бурычларны үтәргә ярдәм итә», - диде Югары Курса китапханәчесе Лилия Вахитова.

2 сентябрьдән Татарстанда Россия Саклану министрлыгы белән контракт төзүчеләргә 2 миллион сумга кадәр акча түләнә. Акча күләме арту республикада түләүләр күтәрелүгә бәйле.

Россия Кораллы көчләре сафларында контракт буенча хезмәт итү, премияләр, ташламалар һәм түләүләр турында heroes-tatarstan.ru сайтында һәм 117 телефон номерына шалтыратып белергә була. Моннан тыш, контракт (1 разряд) буенча хәрби хезмәткә сайлап алу пунктына мөрәҗәгать итәргә: Казан, Аэропорт урамы, 1/40 йорт, тел.8(843)221-44-52. Шулай ук 8(800)222-59-00 номеры буенча шалтыратырга мөмкин.

Татарстан Рәисе Рөстәм Миңнеханов ТР Дәүләт Советына еллык Юлламасында волонтерларга махсус хәрби операциягә ярдәм итүдә мөһим өлеш керткәннәре өчен рәхмәт белдерде. «Кешеләр моны ихлас күңелдән һәм чын йөрәктән, үз тирәсенә шундый ук битараф булмаган гражданнарны берләштереп, фикердәшләрнең тулы бер командаларын җыеп эшли», - дип билгеләп үтте республика җитәкчесе.