Арча һәм Балык Бистәсе хәзрәтләре Татарстан хәрбиләренә мотоцикллар сатып алды
Скопировать ссылку
Арча һәм Балык Бистәсе хәзрәтләре Татарстаннан махсус хәрби операция зонасына мобилизацияләнгән солдатларга ярдәмгә «Урал» мотоцикллары сатып алды. Бу хакта Россия мөселманнары Диния нәзарәте матбугат хезмәте хәбәр итә.
Бүген мөхтәсибләр Әмир хәзрәт Миңнемуллин һәм Рамазан хәзрәт Хисаметдинов мотоциклларны мөфтинең ярдәмчесе Рамил хәзрәт Мингәрәевкә тапшырды.
Мотоцикллар мөселманнар акчасына сатып алынган. Алар яралы хәрбиләрне кырдан алып чыгу һәм госпитальгә озату, азык-төлек, су, медикаментлар илтү өчен файдаланылыр дип көтелә. Якын арада мотоцикллар махсус хәрби операция зонасына озатыла, диелә хәбәрдә.