Апаста зур чаңгы ярышы була
Скопировать ссылку
15 мартта районның чаңгы шуу үзәгендә Россия Федерациясенең атказанган укытучысы, Урта Балтай мәктәбе директоры Нәбиулла Гыйззәтов истәлегенә районкүләм ачык чаңгы ярышлары оештырыла. Бу хакта «Апастово-информ» хәбәр итә.
Катнашучылар 14.00 сәгатьтә теркәлә, аннары 15.00 сәгатьтә ярышлар башлана. Ярыш яшьләрне спортка тарту, чаңгы ярышларын киң җәелдерү, иң яхшы чаңгычыларны ачыклау максатыннан оештырыла.
Ярышта 18-39 яшьлек райондашлар һәм 40 яшьтән өлкәнрәк чаңгычылар катнаша ала.
Спортчылар һәм тамашачылар өчен концерт программасы әзерләнә, кайнар чәй тәкъдим ителәчәк.
Җиңүчеләрне бүләкләр көтә.