Апаста яңа футбол кырына ясалма чирәм җәя башладылар
Футбол кыры өчен республика бюджетыннан 33 миллион акча бүленеп бирелгән.
(Апас, 29 сентябрь, "Татар-информ", "Апастово-информ"). Апас районы башлыгы Равил Хисаметдинов шимбә иртәсен төзелеш бара торган объектлар белән танышудан башлады. Шулай ук райондагы яңа футбол кырын да карады.
“Набережная” ял итү зонасында бүгенге көндә дә күләмле эш башкарыла. Төзелеш оешмасы җитәкчесе һәрбер эшләнгән һәм эшләнәчәк эшкә анализ ясады. Борчыган мөһим мәсьәләләр урында ук хәл ителде.
"Апаста ясалма чирәм белән футбол кыры төзелә. Моның өчен федераль һәм республика бюджетыннан 33 миллион акча бүленде. Бүгенге көндә ясалма чирәм җәю эше бара. Ул 15 октябрьгә төгәлләнәчек, тирә-ягы тотып алыначак", - диде район башкарма комитеты җитәкчесе урынбасары Айрат Хәсәнов.
Киләчәктә биредә йөгерү юллары, трибунасы, машина кую урыннары булачак.