Апаста ветераннар арасында иң яхшы бакчачылар ачыклана
Комиссия берничә кешенең бакчаларында, хуҗалыкларында булды.
Скопировать ссылку
(Апас, 5 июль, "Татар-информ", "Апастово-информ"). Апаста ветераннар арасында иң яхшы бакчачылар ачыклыйлар. Шул уңайдан район ветераннар Советы һәм Бакчачылар клубы әгъзаларының чираттагы киңәшмәсе узды. Бу турыда җирле басма хәбәр итә.
Иң элек үзәк китапханәдә түгәрәк өстәл артында башланып киткән чара соңыннан хуҗалыкларда дәвам итте. Ветераннар арасында игълан ителгән “Иң яхшы чәчәк үстерүче“, “Иң яхшы җиләк-җимеш үстерүче“, “Иң яхшы яшелчә үстерүче“, “Иң яхшы виноград үстерүче“, “Иң яхшы умартачы“ бәйгеләренә нәтиҗәләр ясау максатыннан, махсус комиссия берничә кешенең бакчаларында, хуҗалыкларында булды.