Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Апаста умартачылар аллеясы барлыкка киләчәк
Россия Дәүләт Думасы депутаты Марат Нуриев Апас районының актив умартачылары белән очрашты. Район умартачыларының үзләренең махсус җәмгыятьләре эшләп килә. Бу хакта «Апастово-информ» хәбәр итә.
Актив умартачылар район башлыгы белән дә еш очраша. Марат Нуриев белән очрашуда да алар әлеге тармакны тагын да үстерү юллары турында фикер алышты.
Бал продукциясе җитештерүчеләргә депутат та хөрмәт белән карый. Соңгы вакытта игенчелектә кулланылган кайбер гербицидлар умарталарга зур зыян сала. Әлеге проблема Дәүләт Думасы депутаты Марат Нуриевны да борчый. Умарталыкларга зыян китермәү буенча районда эшлекле чаралар күрелә.
Районда тиздән умартачылар аллеясы барлыкка киләчәк. Бүгенге көндә аны булдыру буенча эш алып барыла. Әлеге максатка район җитәкчелеге тарафыннан җир кишәрлеге дә бүлеп бирелде.
Кызыклы яңалыкларны күзәтеп бару өчен Телеграм-каналга язылыгыз