Җәмгыять 6 октябрь 2018 02:00

Апаста Укытучылар һәм Өлкәннәр көне уңаеннан зур чара узды

Укытучылар һәм төрле өлкәләрдә эшләп лаеклы ялга чыккан өлкәннәр өчен танылган якташлары тарафыннан концерт куелды.

Скопировать ссылку

(Апас, 6 октябрь, "Татар-информ", "Йолдыз" ). Октябрь ае бәйрәмнәргә бай. Аларның һәрберсе үзенчәлекле итеп билгеләп үтелә. Укытучылар һәм Өлкәннәр көне дә истә калырлык итеп оештырылды, дип яза җирле басма.

Укытучылар һәм төрле өлкәләрдә эшләп лаеклы ялга чыккан өлкәннәр өчен танылган якташлары тарафыннан концерт куелды. Апас җирлеге үзендә туып-үскән, укыган, канат ярган, бүген инде зур сәхнәләр биләүче, республика матбугатында билгеле бер урын биләгән балаларын үзенә җыйды. Танылган җырчыларыбыз, сәнгать эшлеклеләре бер дә икеләнеп тормыйча, өлкән буынга ял бүләк итте, рәхмәт сүзләрен җиткерде.

Бәйрәм кичәсендә район башлыгы Рәшид Заһидуллин һәм “Ак Барс“ банк идарәсе җитәкчесе урынбасары Илфан Гобәйдуллин катнашты. Алар җылы тәбрик сүзләрен, олы рәхмәтләрен җиткерделәр.

#Апас #Йолдыз

Сәхифәләр

Апаста Укытучылар һәм Өлкәннәр көне уңаеннан зур чара узды