Апаста Татарстанның һәм Россиянең халык артисты Фәхри Насретдиновны искә алдылар
Аның тууына 105 ел тулды.
Скопировать ссылку
(Казан, 23 октябрь, "Татар-информ"). Күренекле якташыбыз, татар опера сәнгатенә нигез салучыларның берсе, Татарстанның һәм Россиянең халык артисты, Габдулла Тукай исемендәге Дәүләт бүләге иясе Фәхри Насретдиновның 105 еллыгы уңаеннан, Апаста аны искә алу чарасы узды, дип яза "Йолдыз" газетасы.
Иң элек район мәдәният йорты каршындагы һәйкәлгә чәчәкләр салынды. Аннан соң Шәмбалыкчы авылындагы музейда туганнары, якыннары, авылдашлары катнашында эчтәлекле кичә узды. Биредә һәм Апас туган якны өйрәнү музеенда җырчының җырлары тыңланды.
