Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Апаста студентлар прокурор киңәшләрен тыңлады
Апаста студентлар прокурор киңәшләрен тыңлады. Апас аграр көллиятендә Россия Конституциясе көне уңаеннан кичә узды. Бу хакта «Апастово-информ» хәбәр итә.
Биредә район прокуроры Зөфәр Абитов, коррупциягә каршы көрәш буенча район башлыгы ярдәмчесе Булат Гатиятуллин районның яшьләр эше һәм спорт бүлеге җитәкчесе Ленар Мотыйгуллин, «Яшь гвардия»нең җирле бүлекчәсе вәкилләре катнашты.
Район прокуроры Зөфәр Абитов студентларны үз бурычларыңны, законнарны белеп яшәргә, вазифаларны башкарырга чакырды. Шулай ук Россия Федерациясе Конституциясе көненең тарихы белән таныштырып узды.
«Конституция - төп закон ул. Анда дәүләтнең иҗтимагый, икътисади корылыш нигезләре, гражданнарның хокуклары һәм бурычлары билгеләнгән. Русия Федерациясе Конституциясе 1993 елның 12 декабрендә бөтенхалык тавыш бирүе нәтиҗәсендә кабул ителде», - диде ул.
Зөфәр Абитов яшь буынны ришвәтчелек, аның төрләре, әлеге җинаять төре буенча җаваплылык белән дә таныштырды.
«Ришвәтчелекне без үзебез тудырабыз. Аңа каршы хокук сакчылары гына көрәшеп бетә алмый. Без бирмәсәк, башка кеше алмас иде. Гадел юл белән яшәргә өйрәник. Закон бозу очраклары булганда актив булып хәбәр итсәгез иде», - дип сөйләде ул.
Район үзәк китапханәсе тарафыннан оештырылган кичәдә студентлар төп закон һәм коррупция турында видеороликлар да карады.
Кызыклы яңалыкларны күзәтеп бару өчен Телеграм-каналга язылыгыз