Җәмгыять 1 декабрь 2018 22:00

Апаста Шәүкәт Галиевнең 90 еллык юбилее уңаеннан искә алу чарасы узды

Күргәзмәдә шагыйрьнең шәхси әйберләре белән таныштылар.

Скопировать ссылку

(Апас, 1декабрь, "Татар-информ", "Апастово-информ"). Апаста Шәүкәт Галиевнең 90 еллык юбилее уңаеннан искә алу чарасы узды. 30 ноябрьдә районга танылган язучылар, шагыйрьләр, җырчылар килде, шулай ук Шәүкәт Галиевнең балалары, оныклары да бар иде. Бу турыда җирле басма хәбәр итә.

Кунаклар һәм апаслылар иң элек Апас туган якны өйрәнү музее белән таныштылар. Шәүкәт Галиев истәлегенә ясалган күргәзмәдә шагыйрьнең шәхси әйберләре белән таныштылар. Аннан район үзәгендә Шәүкәт Галиев бюстына чәчәкләр салдылар һәм янәшә генә урын алган Абдулла Алиш бюсты тантаналы шартларда ачылды.

Сәяхәт Олы Бакырчыда Шәүкәт Галиев музеена сәяхәт белән дәвам итте. Олы Бакырчы мәктәбендә дә чаралар узды. Шәүкәт Галиев исемендәге мәктәп коллективы эчтәлекле чыгышлар әзерләгән иде. Олы Бакырчы мәдәният йортында язучылар белән очрашу кичәсе булды.

#Апас #Йолдыз

Сәхифәләр

Апаста Шәүкәт Галиевнең 90 еллык юбилее уңаеннан искә алу чарасы узды