Җәмгыять 7 декабрь 2018 06:00

Апаста иминлек акциясендә укучылар машина йөртүчеләр белән очрашты

Апас урта мәктәбе укучылары юлларга чыгып, шоферлар һәм җәяүлеләр белән очрашты.

Скопировать ссылку

(Апас, 7 декабрь, "Татар-информ", "Апастово-информ"). Апаста юл хәрәкәте иминлеге дәүләт инспекторлары катнашында “Күренебрәк тор!“ акциясе узды. Бу турыда җирле басма хәбәр итә.

Апас урта мәктәбе укучылары юлларга чыгып, шоферлар һәм җәяүлеләр белән очрашты. Алар юл хәрәкәте иминлеге дәүләт инспекторы Марат Хөснетдинов белән берлектә яктылыкны кире кайтаручы элементлар, аларның төрләре һәм файдасы турында сөйләделәр, белешмәлекләр тараттылар.

Акция барышында юл кагыйдәләре тагын бер кат хәтерләрдә яңарды. Соңыннан истәлеккә фотога төштеләр һәм һәр укучыга яктылыкны кире кайтаручы смайликлар бүләк ителде.

#Апас #Йолдыз

Сәхифәләр

Апаста иминлек акциясендә укучылар машина йөртүчеләр белән очрашты