Апаста хастаханәдә ятучылар бүләк алды
Дәваланучылар үзләре дә шигырьләр сөйләп, күңелләрен күтәрергә тырыштылар.
Скопировать ссылку
(Апас, 1 гыйнвар, "Татар-информ", "Апастово-информ"). Сәламәтлеге какшау сәбәпле, Яңа елны хастаханәдә каршыларга мәҗбүр булган Апас кешеләре район башлыгы исеменнән бүләкләр алды. Бу турыда район басмасы хәбәр итә.
Кыш бабай һәм Кар кызы аларның һәрберсе янында булып, бүләк тапшырды. Район башкарма комитеты җитәкчесе урынбасары Луиза Сафина, район үзәк хастаханәсенең баш табибы Алмаз Алиуллин хәлләрен сорашып, изге теләкләрен җиткерделәр.
Дәваланучылар үзләре дә шигырьләр сөйләп, күңелләрен күтәрергә тырыштылар.