Апаста хастаханәдә дәваланучылар үз тавышын бирде
Сайлау участогы комиссияләреннән хастаханәгә килеп сайлаттылар.
(Апас, 18 март, «Татар-информ», “Йолдыз”). Апаста хастаханәдә дәваланучыларга үз тавышларын бирү мөмкинлеге тудырылды.
Сайлау участогы комиссияләреннән хастаханәгә килеп сайлаттылар. Каратуннан Рәзинә Сираҗиева, Коштавылыннан Флүзә Касыймова, Дүртиледән Сөембикә Хисамиева, Госман Абхалимов, Дәвештән Фәһим Низамов, Иске Йомралыдан Нурлыҗиһан Җиһангирова, Назлыгөл Хәсәнова үзләренә күрсәтелгән хөрмәттән канәгать калдылар. – Килүләрен көттем. Үз тавышымны бирәсем килде. Рәхмәт онытмадылар, килделәр, хәлемне дә белеп киттеләр, – диде Шәмбалыкчыдан хастаханәдә дәваланучы Насыйх Насыйров. – Хастаханәдә дәвалансам да, үз тавышымны бирә алдым. Киләчәгебез матур, бар кеше дә сәламәт булсын, – диде Иске Йомралыдан Фәридә Тимергалиева.
