Апаста гуманитар ярдәм җыюга эшмәкәрләр өлеш кертә
Скопировать ссылку
Апаста гуманитар ярдәм җыюга эшмәкәрләр өлеш кертә. Махсус хәрби операциядәгеләргә гуманитар ярдәм февраль башында китәчәк. Бу хакта «Апастово-информ» хәбәр итә.
Хәрбиләр өчен ярдәм «Алга» яшүсмерләр клубы базасында кабул ителә. Монда озак саклана торган продуктлар, җылы кием-салым, дарулар һәм шәхси гигиена чаралары кабул ителә. Шулай ук ярдәмне акчалата да 2200 5301 9339 6843 (Ак Барс Банк картасы номеры) счетына күчерергә мөмкин.
Апастан шәхси эшмәкәр Азат Сафин беренчеләрдән булып изге эшкә кушылган. Ул 50 мең сумлык товар алып килгән.
«Азат Сафин, товарларны егетләр ихтыяҗын истә тотып алып килде. Арада савыт-сабалар да, җылыту җиһазлары да бар», - ди Илдар Салаватов.