Апаста балалар Сабан туенда беренче сыйныфка баручыларга уку кирәк-яраклар тапшырдылар
Апаста балалар Сабан туенда «Мәктәпкә җыенырга ярдәм ит» акциясе кысаларында тәүге тапкыр мәктәп бусагасын атлап керүче 124 балага букчалар һәм уку кирәк-яраклары бүләк иттеләр. «Ак Барс Холдинг» оешмасы һәм «Апас-Мол» берләшмәсе ярдәме белән узучы акция 13нче тапкыр узды. Бу хакта «Апастово-информ» сайтында Ләлә Сафиуллина яза.
«Апас-Мол» берләшмәсе җитәкчесенең киңәшчесе Марат Хәсәнов барлык балаларга уңышлар теләп, Ак Барс Холдинг» оешмасының генераль директоры Иван Егоров һәм «Апас-Мол» берләшмәсе җитәкчесе Владимир Николаев исеменнән бәйрәм котлауларын ирештерде.
«Матур бәйрәм уңаеннан тәүге тапкыр белем иленә җыенучы балаларны сөендерү безнең өчен зур бәхет. Һәркемгә исәнлек-саулык, балаларның сәламәт булуын, гел «5»кә генә укуларын телим», - диде Марат Хәсәнов.