Апаста Ана капиталы сертификаты тапшырдылар
Бәхетле әниләр тантанага балалары белән килгән иде.
Скопировать ссылку
(Апас, 10 июль, "Татар-информ", "Апастово-информ"). 8 июль – Гаилә, мәхәббәт һәм тугрылык көне уңаеннан, районның ЗАГС бүлегендә ике яки аннан да күбрәк балалы гаиләләргә Ана капиталы сертификатлары тапшырылды. Бу турыда район басмасы хәбәр итә
Тантанада район башкарма комитеты җитәкчесе урынбасары Луиза Сафина, пенсия фонды бүлеге җитәкчесе Илгизәр Вәлиәхмәтов, ЗАГС бүлеге җитәкчесе Розалия Насыйбуллина катнашты.
Бәхетле әниләр тантанага балалары белән килгән иде. Аларның шат авазлары тагын да күңел күтәренкелеге бирде. Әниләр бер-бер артлы чыгып сертификатлар алды.