Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Апасның бер урамына татар язучысы Шәүкәт Галиев исеме биреләчәк
Апаста танылган татар язучысы Шәүкәт Галиевнең 95 еллыгы уңаеннан искә алу чарасы узды. Райондашлары аны быел да зурлап искә алды. Район үзәк китапханәсе янындагы бюстка чәчәкләр салынды. Бу хакта «Апастово-информ» хәбәр итә.
Музей, үзәк китапханә, мәдәният йорты хезмәткәрләре, аны белгән өлкәннәр якты хатирәләр белән уртаклашты, истәлекләрен яңартты. Чарада Гүзәл Дәүләтшина җитәкчелегендәге Апас урта мәктәбе укучылары да катнашты. Апас туган якны өйрәнү музее җитәкчесе Рәмис Ногманов районда узачак чаралар белән таныштырып узды. Шәүкәт Галиевкә багышланган, республика вәкилләре катнашындагы иң зур чара – 1 декабрьдә булачагын белдерде.
Искә алу чарасында данлыклы якташыбызның исемен мәңгеләштерү максатыннан, тиздән Апасның бер урамына Шәүкәт Галиев исеме биреләчәге дә әйтеп үтелде. Олы Бакырчы мәктәбе Шәүкәт Галиев исемен йөртә, туган авылында музей-йорты эшчәнлек алып бара. Бу хакта да тулы мәгълүматлар яңгырады.
«Шәүкәт абый Галиев 62 ел иҗат итә. Аның 60 китабы нәшер ителә. Кайбер китаплары берничә телгә дә тәрҗемә ителгән. Шәүкәт абый безнең якларда еш булды, очрашты, иҗат итте», - диде Рәмис Ногманов.
Кичәдә Шәүкәт Галиев белән якыннан аралашкан өлкәннәр дә катнашты.
Кызыклы яңалыкларны күзәтеп бару өчен Телеграм-каналга язылыгыз