Авыл 28 август 2018 05:00

Апасның Йомралы берләшмәсе комбайнчыларына кабат премия тапшырылды

Бүләкләнүчеләр быелгы уракта үз комбайннары белән 1000-2000 шәр тонна ашлык суктырган.

Скопировать ссылку

(Апас, 28 август, "Татар-информ", "Апастово-информ", Ришат Җамалиев). Апас районы “Урак-2018 штабы вәкилләре бу җаваплы көннәрдә даими халык арасында. Кичә алар берничә алдынгы комбайн экипажларына басуга килеп, бишәр мең сумлык кыр премияләре тапшырды, дип яза җирле басма.

Соңгы рейд-тикшерү вакытында “Свияга” агрофирмасының Йомралы берләшмәсе комбайнчылары Рамазан Гашыйгуллин белән Фәнис Мөбәрәкшин, Илгиз Зиннуров лаек булды бу хөрмәткә. Алар быелгы уракта үз комбайннары белән 1000-2000 шәр тонна ашлык суктырган. Районда бу премияне икешәр тапкыр алучылар да да бар. Агрофирма җитәкчесе Марат Хәсәнов, район авыл хуҗалыгы идарәсе җитәкчесе Ильяс Заһидуллин комбайнчылар янында булганда быелгы урак хезмәт нәтиҗәләре буенча район һәм Татарстан премияләренә лаек булу тәртибен тәфсилләп аңлаталар.

Әлмәндәр бүлекчәсе пешекчесе Ландыш Фәезова, шофер Рушан Зиннәтуллин һәм башкалар да уракның тагын бер-ике көннән тулысынча тәмамлануы өчен зур көч куялар.

#Апас #Йолдыз

Сәхифәләр

Апасның Йомралы берләшмәсе комбайнчыларына кабат премия тапшырылды