Җәмгыять 18 ноябрь 2018 08:00

Апасның Иске Йомралы авылында казларны йолалар буенча йолкыдылар

Каурый сибү, каз йолку, юу, каурый сыдыру, мендәр тутыру йолалары, милли уеннар чын бәйрәм рухы өстәде.

Скопировать ссылку

(Апас, 18 ноябрь, "Татар-информ", " Апастово-информ"). Апас районы Иске Йомралы авылында яшәүче Фаил һәм Резедә Гайнетдиновлар хуҗалыгында быел беренчеләрдән булып Каз өмәсе узды. Бу турыда җирле басма яза.

Иске Йомралы авылы клубы мөдире Резеда Гайнетдиновага Иске Әнәле, Табар-Черкене, Биеш, Болынбалыкчы, Ишеево авыллары мәдәният йортларында эшләүче хезмәттәшләре, күршеләре, авылдашлары да ярдәмгә килделәр.

Иртәдән үк бергәләшеп җыелып, эшкә тотындылар. Ишегалдында тәмле исләр таратып коймак пеште, самавырда чәй кайнады. Гармун моңы тынып тормады. Барлык йолаларны үтәп йолкыдылар казларны.

Каурый сибү, каз йолку, юу, каурый сыдыру, мендәр тутыру йолалары, милли уеннар чын бәйрәм рухы өстәде. Казларны йолкып, эшкәрткәннән соң, хатын-кызлар түшкәләрне көянтәләргә асып, авылның күрке булган “Ачу чыгышы” чишмәсенең саф суында юдылар. Һәркем тынычлык, муллык теләде.

#Апас #Йолдыз

Сәхифәләр

Апасның Иске Йомралы авылында казларны йолалар буенча йолкыдылар