Җәмгыять 29 октябрь 2014 09:55

Апасның Иске Йомралы авылына бөркет килгән

Ул адашкан булган

Скопировать ссылку

(Казан, 29 октябрь, “Татар-информ”). 26 октябрьдә Апас районының Иске Йомралы авылында Альберт Габитов авылдашы, сугымчы Гомәр Хәбибуллин белән кышка куян ите әзерләп мәш килгән бер мәлдә, алар янына, уктай сызгырып, һавадан зур бер бөркет килеп төшә.

Тамагын туйдырган бөркетнең аякларындагы балдаклардан хуҗасының кем икәнлеген беләләр. Шунда күрсәтелгән адрес-телефон буенча һәм Буа зона аучылык хуҗалыгы белгече Михаил Филинга бу хакта хәбәр итәләр. 27 октябрь кичендә аның хуҗасы - егерь Валерий Курмышкин Иске Йомралыга кайтты. 9 октябрьдә элиталы Казан яны ау хуҗалыгыннан очып китеп, көчле җилдә адашкан “Бурбаш” исемле бөркет махсус сыбызгы тавышын ишетүгә, аның кулына үзе килеп кунды, дип хәбәр итә районның “Йолдыз” газетасы.

Сәхифәләр

Апасның Иске Йомралы авылына бөркет килгән