Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Апасның Биеш мәктәбендә мини-футбол турниры үтте
Район хәрби комиссары җиңүчеләргә Кубок, медальләр һәм Диплом-Грамоталар тапшырды.
(Апас, 21 февраль, "Татар-информ", "Йолдыз", Ришат Җамалиев). Биеш мәктәбендә мини-футбол турниры үтте, дип яза җирле басма.
Быел Россиядә Хәрби комиссариатлар, Кызыл Армия оешуның 100 еллыгы тантаналы итеп билгеләп үтелә. Бу Россиякүләм әһәмиятле хәрби-патриотик чараларда Апас хәрби комиссариаты да бик актив катнаша. 1 ай элек алар көче белән район мәктәпләре укучылары, аграр көллият студентлары арасында “Ягез әле, егетләр!” хәрби-патриотик уеннар үтте.
Биеш мәктәбе спорт залында мини-футбол буенча ачык турнир үткәрелде. Барлыгы 11, шул исәптән Кайбыч районынннан килгән 2 командалар арасында барган бик киеренке матчларда беренче урынны Каратун мәктәбе командасы яулады. Азбаба мәктәбе командасы икенче, апаслылар өченче урынга чыкты. Район хәрби комиссары җиңүчеләргә Кубок, медальләр һәм Диплом-Грамоталар тапшырды.
-Тиздән район яшьләр эше һәм спорт комитеты белән бергәләп өстәл теннисы һәм хоккей буенча да ачык район спорт ярышлары үткәрергә җыенабыз,-ди хәрби комиссар Илшат Паймурзин. -Барыгызны да бу спорт бәйрәмнәрендә актив катнашырга чакырабыз һәм Апас белән кайбычлыларны Ватан сакчылары көне белән ихластан котлыйм!
.
Кызыклы яңалыкларны күзәтеп бару өчен Телеграм-каналга язылыгыз