Җәмгыять 28 октябрь 2018 06:00

Апас яшүсмерләренә паспорт тапшырылды

яшүсмерләр өчен оештырылучы бу беренче паспорт бәйрәме һәр айның соңгы пәнҗешәмбе яки җомгасында шулай колачлы итеп үтәчәк.

Скопировать ссылку

(Апас, 28 октябрь, "Татар-информ", "Апастово-информ", Ришат Җамалиев). Апас районы ЗАГС бинасында район тарихында 14 яше тулган яшүсмерләргә беренче тапкыр тантаналы итеп тәүге паспортлар тапшырылды. Бу турыда район басмасы яза.

Яшүсмерләргә беренче паспортларын һәм истәлекле бүләкләрен район башкарма комитеты җитәкчесе урынбасары Рөстәм Мингазиев, “Яшь гвардия” һәм “Авыл яшьләре” оешмасы рәисе Рөстәм Нәҗмиев, район паспорт-виза, миграция хезмәте җитәкчесе Айрат Сафиуллин тапшырды.

Яшүсмерләр чордашлары Гөлчәчәк Вафинага кушылып илгә тугры булырга ант бирделәр. Равшан Абделвәлиевның әнисе Гүзәл тантанага чакырылган әти-әниләр исеменнән бу бәйрәмне оештыручыларга рәхмәтен җиткерде.

Гадәткә кергәнчә, яшүсмерләр өчен оештырылучы бу беренче паспорт бәйрәме һәр айның соңгы пәнҗешәмбе яки җомгасында шулай колачлы итеп үтәчәк.

#Апас #Йолдыз

Сәхифәләр

Апас яшүсмерләренә паспорт тапшырылды