Җәмгыять 11 август 2023 23:15

Апас хәрбие «Батырлык өчен» медале белән бүләкләнде

Скопировать ссылку

Апас егете Салават Мингалиев махсус хәрби операциядә беренче көннәрдән үк катнаша. Бу вакыт эчендә ул үзен тырыш, намуслы, батыр егет итеп таныткан. Медальләр, 2022 елда Россия Федерациясе Президенты, илебезнең Кораллы көчләренең баш командующие Владимир Путиннның Рәхмәт хаты белән бүләкләнгән. Быел май аенда ул тагын зур бүләккә «Батырлык өчен» медаленә ия булган. Бу хакта «Апастово-информ» хәбәр итә.

«Минем өчен иң зур бүләк – исән-сау булуым. Анда син бер мизгелдә үзең өчен дә, хәрби дусларың өчен дә җаваплы булырга мөмкин. Бердәмлекнең, дуслыкның чын көчен аңлыйсың», - диде кыска вакытлы ялга кайткан Салават Мингалиев.

Салават Мингалиев 8 ел дәвамында контракт буенча хезмәт итә. Апас мәктәбендә белем ала. Соңыннан аграр көллияттә һөнәр үзләштерә. 1 ел Амур өлкәсенең Белогорск шәһәрендә хәрби бурычын үтәп кайтканнан соң, 3 ел машина йөртүче булып эшли. 2015нче елда контракт төзеп, кабат хәрби хезмәткә китә.

«Апас яшьләренең күбесе бәхет эзләп чит шәһәрләргә китте. Мин дә шул максат белән еракларга юл тоттым. Тик хәрби хезмәтне сайладым. Үзем бик теләдем. Үкенгәнем юк», - диде егет горурланып.

#Апас

Сәхифәләр

Апас хәрбие «Батырлык өчен» медале белән бүләкләнде