Апас Сабан туенда 150 кг бавырсак һәм 500 өчпочмак белән халыкны сыйлаганнар
Скопировать ссылку
Апас Сабан туенда Идел аръягы зонасында иң зур милли ризык – 150 килограммлы бавырсак тәкъдим ителде. Бу хакта «Апастово-информ» сайтында Ләйлә Шиһабиева хәбәр итә.
Аны пешерү өчен 1200 йомырка, 15 килограмм шикәр комы, 6 килограмм бал кирәк булган. Бавырсакны Лилия Зәйнуллина җитәкчелегендәге пешекчеләр ясаган.
Шулай ук милли ризык – 50 килограмм өчпочмак та пештергәннәр. Тимур Гузәлбаев җитәкчелегендәге пешекчеләр 500 өчпочмак пешереп, халыкны сыйлады. 20 килограмм бәрәңге чистартып, 20 килограмм ат итен турап эчлек ясаган алар.
«Милли ризыклар һәркемгә авыз итәргә җитте», диелгән хәбәрдә.