Җәмгыять 11 декабрь 2014 16:54

Апас районында ир-ат үрдәк урлап суд каршына баскан

Ике тапкыр урлап, ул өченчесендә тотылган

Скопировать ссылку

(Казан, 11 декабрь, “Татар-информ”). Август төнендә Ф., урта яшьләргә җитеп килүче ир-ат, аракы эчкән хәлдә күршеләренең верандасына үтеп кереп, суыткычтан ике үрдәк түшкәсен урлап чыга. Ләкин эш моның белән генә бетми, ике көннән соң күршеләренең суыткычтагы үрдәкләре аны тагын үзенә “тарта” башлый. Кабат ике үрдәк түшкәсен урлап чыга. Исерек хәлдә ул янә күршеләре суыткычыннан ике үрдәк түшкәсен эләктерә, тик бу юлы, хуҗаларның уяулыгы мәкерле гамәлен тормышка ашыра алмый.

Суд барышында Ф. үзенең гаебен тулысынча танып, үкенүен, башка мондый эшләр кабатланмаячагын вәгъдәләде, ә тиешле җәзаны барыбер алды, дип яза “Йолдыз” басмасы.

Сәхифәләр

Апас районында ир-ат үрдәк урлап суд каршына баскан