Авыл 26 август 2018 03:00

Апас районында алдынгы комбайнчыларга бишәр мең сумлык премия тапшырдылар

Быелгы урак башыннан барлыгы 25 экипаж кыр премиясе алу өчен каралган ашлык суктыру нормативын үтәде.

Скопировать ссылку

(Апас, 26 август, "Татар-информ", "Апастово-информ" , Ришат Җамалиев). Апас районы авыл хуҗалыгы идарәсе җитәкчесе Ильяс Заһидуллин, “Свияга” агрофирмасы җитәкчесе Марат Хәсәнов 3 комбайн экипажына кырга махсус килеп, бишәр мең сумлык премия тапшырдылар, дип яза җирле басма.

“Класс-Лексион”, Класс-Мега”, “Нью-Холланд” комбайннары белән 6500-19000 центнер ашлык суктырып алган алдынгы комбайнчылар Дамир Фазлыев, Радик Җәләлов, Ирек Юзеев һәм аларның алмашчылары, хезмәттәшләре өчен бу беренче премия генә булмас дигән теләктә калабыз.

Быелгы урак башыннан барлыгы 25 экипаж кыр премиясе алу өчен каралган ашлык суктыру нормативын үтәде. Кырларда исә бүген инде эш соңгы берничә йөз гектарларда бара. Ике-өч көннән урак тулаем тәмамланачак, дип фаразлана.

#Апас #Йолдыз

Сәхифәләр

Апас районында алдынгы комбайнчыларга бишәр мең сумлык премия тапшырдылар