Мәдәният 31 декабрь 2018 09:00

Апас районы Татар Пучинкәсе авылында яңа клуб ачылды

100 урынга исәпләнгән клуб район бюджеты хисабына төзелгән.

Скопировать ссылку

(Апас, 31 декабрь, "Татар-информ", "Апастово-информ"). Апас районы Татар Пучинкәсе авылында клуб ачылды. Тантанада район башлыгы Рәшид Заһидуллин катнашты. Бу турыда җирле басма хәбәр итә.

Яңа клубка район башлыгы тарафыннан бильярд өстәле һәм баян, “Ак Барс“ банк идарәсе иганәчелегендә аппаратура бүләк ителде. “Свияга” агрофирмасы телевизор бүләк итте.

100 урынга исәпләнгән клуб район бюджеты хисабына төзелгән. Ул үз эченә фельдшер-акушерлык пунктын да алган.

Район башлыгы Рәшид Заһидуллин клуб төзелешенә өлеш керткән һәркемгә олы рәхмәтен җиткереп, Иске Йомралы авыл җирлеге башлыгы Рамил Моратовка Рәхмәт хаты, Сертификат, клуб мөдире Венера Мөхәммәтҗановага, фельдшер Лилия Муратовага Рәхмәт хатларын тапшырды.

Ачылу тантанасыннан соң, клубта матур ял концерты узды. Район гармунчылары, мәдәният йорты хезмәткәрләре җыр-моңнарын бүләк итте. Кайнар коймак пеште, чәй кайнады. Бу көн халык өчен чын мәгънәсендә бәйрәмгә әверелде.

#Апас #Йолдыз

Сәхифәләр

Апас районы Татар Пучинкәсе авылында яңа клуб ачылды