Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Апас районы Карамасар авылының балалар бакчасында төзекләндерү эшләре төгәлләнә
Әлеге балалар бакчасы 1977 елда төзелгән була.
![Апас районы Карамасар авылының балалар бакчасында төзекләндерү эшләре төгәлләнә](https://tatar-inform.tatar/resize/shd/images/uploads/news/2019/8/14/c23addf17320c98f085d667d697a83e1677bfe947aaa9880525bb2f2eee8.jpg)
(Апас, 14 август, "Татар-информ", "Апастово-информ", Гүзәл Хилавиева). Апас районы Карамасар авылының “Каенкай” балалар бакчасында да төзекләндерү эшләре төгәлләнү алдында тора. Бу турыда җирле басма хәбәр итә.
Әлеге балалар бакчасы 1977 елда төзелгән була. Бинаның бер ягында балалар бакчасы, икенче ягында башлангыч мәктәп урын алган.
"Бакчабызга 12 бала йөри, шуларның дүртесе 1 нче сыйныфка керә. Яңа уку елыннан ун бала йөриячәк. Республикакүләм программа нигезендә балалар бакчасындагы үзгәрешләрне сөйләп бетергесез", - ди утыз елдан бирле бакча мөдире булып эшләүче Айсылу Гыйльманова.
Башлангыч мәктәп тә яңа уку елына үзенең укучыларын каршы алырга әзер. Наҗия Шиһапова белән Алсу Хикмәтовалар сыйныф бүлмәләренең диварларын, идәннәрен янгын куркынычсызлыгы таләпләренә туры китереп буяганнар. Бар җирдә чисталык, пөхтәлек күзгә ташлана. Каршыда аллы-гөлле чәчәкләр үсеп утыра.
“Үз мәктәбеңә булыш” акциясе кысаларында Норильскийда эшләп, лаеклы ялга чыккач авылыбызга кайтып урнашкан “Атказанган шахтер” исемен йөртүче авылдашыбыз Рөстәм абый Гатиятуллин мәктәп каршысын төсле, матур калай рәшәткәләр белән тотарга ярдәм итте. Ул рәшәткәләрен алып бирде, аннан аның белән бергәләп ирем, улым, үзем эшләп тә куйдык. Рәхмәт Рөстәм абыйга, - диде 34 ел балаларга белем бирүче Наҗия ханым Шиһапова.
Кызыклы яңалыкларны күзәтеп бару өчен Телеграм-каналга язылыгыз