Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Апас районы Югары Ындырчы җирлеге территориясендә кошчылык фабрикасы төзеләчәк
![Апас районы Югары Ындырчы җирлеге территориясендә кошчылык фабрикасы төзеләчәк](https://tatar-inform.tatar/resize/shd/images/uploads/news/2024/5/24/59dd9f07f4e7b4e878f4ce167d42b3ff.jpg)
Апас районы Югары Ындырчы җирлеге территориясендә кошчылык фабрикасы төзеләчәк. Җитәкчеләр белдергәнчә, әлеге фабрикада елына 655 миллион данә йомырка җитештерү планлаштырыла. Шулай ук 325 кешене эшле итәчәк. Бу хакта «Апастово-информ» хәбәр итә.
Шушы уңайдан районга «Ак Барс» холдингының генераль директоры Иван Егоров килде.
Район башлыгы Айрат Җиһаншин җитәкчеләрне каршы алды һәм районга инвестиция алып килүләре өчен рәхмәтен белдерде.
«Район үсеше өчен бик зур төзелешкә старт бирелде. Халыкка эш урыннары булачак. Тагын бер кат рәхмәтемне белдерәм. Бергә-бергә эшләргә булсын», - диде ул.
Төзелеш башланачак җирдә район мөхтәсибе Мирхәт хәзрәт Җамалиев изге догаларын ирештерде һәм корбан чалынды. Шулай ук Сергий атакай Грязнов та изге теләкләрен ирештерде һәм төзелеш урынын изгеләндерде.
Кызыклы яңалыкларны күзәтеп бару өчен Телеграм-каналга язылыгыз