Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Апас һәм Кайбыч районнары ир-егетләре Волгоград шәһәрендә булып кайтты
Апас районының Янгилде авылында яшәүче Илһам Баһавиев җитәкләгән әлеге оешма Германиядә хезмәт иткән 52 кешене берләштерә.
(Кайбыч, 12 май, "Татар-информ", "Кайбыч таңнары", Мингазиз Сөнгатуллин). 2014 елның 10 июнендә Апас һәм Кайбыч районнарының хәрби бурычларын Германия җирендә үтәгән ир-егетләре “Германиядәге совет гаскәрләре төркеме” ветераннары Союзы җәмәгать оешмасы оештыра. Апас районының Янгилде авылында яшәүче Илһам Баһавиев җитәкләгән әлеге оешма Германиядә хезмәт иткән 52 кешене берләштерә. Оешма әгъзалары үзләре яшәгән җирлектә яшь буынны патриотик яктан тәрбияләү буенча эш алып бара, мәктәпләрдә очрашуларда, Бөек Җиңү көнендә парадларда катнаша. дип яза җирле басма.
– Безнең оешма теркәлгәнгә тиздән 4 ел була. Бу вакыт эчендә шактый эш башкарылды: Апас районының Сатламыш авылы мәктәбендә оешманың штабы, музее булдырылды. Безнең оешмага кергән ир-егетләр мәктәп укучылары арасында хәрби-патриотик эш алып бара, төрле очрашуларда, бәйрәм парадларында катнаша. Үткән елларда республиканың башка районнарының шундый ук оешмалары белән Казан шәһәренең танк училищесында очраша идек.
Быел Волгоград шәһәрендәге шундый ук оешма вәкилләре белән алдан сөйләшеп, 12-14 апрель көннәрендә безнең оешманың биш әгъзасы: Кайбыч районының Олы Подберезье авылыннан Александр Карлин, Федоровскоедан Хәбир Нәбиуллин, Апас районының Биябаш авылыннан Илгизәр Вәлиев, мин һәм Лаеш районыннан Госман Галимов Волгоград шәһәрендә очрашуда булып кайттык. Безне Волгоградтагы оешма җитәкчесе Александр Каштанов бик яхшы каршы алды. Анда без Мамаев Кургандагы һәйкәлгә Татарстанның “Германиядәге Совет гаскәрләре төркеме” ветераннары Союзы җәмәгать оешмасы исеменнән венок салдык, музейларда, панорамаларда экскурсияләрдә булдык, Волгоградтагы оешма вәкилләре белән очраштык, – диде Илһам Баһавиев.
– Әлеге очрашу безгә бик ошады. Волгоградтагы дусларыбыз белән хәрби хезмәт елларын искә алдык. Мин үзем Германиядә 1980- 1982 елларда инженер гаскәрләрендә, инженерлар машинасы йөртүчесе булып хезмәт иткән идем. Хезмәттәшләребез белән интернетта, кәрәзле телефон аша аралашабыз, – диде Александр Карлин, очрашуда алган тәэсирләре белән уртаклашып.
Кызыклы яңалыкларны күзәтеп бару өчен Телеграм-каналга язылыгыз