Апас делегациясе Ульяновск шәһәрендә хәрби частьта кунакта булды
Скопировать ссылку
Апас делегациясе Ульяновск шәһәрендә хәрби частьта кунакта булды. Әлеге 42731 нче элемтә гаскәрләренең уку үзәгенә Апас районы шефлык итә.
Биредә Татарстаннан 38 егет, шулар арасында районнан Искәндәр Имаметдинов хәрби бурычын үти. Бу турыда «Апас-информ» хәбәр итә.
“Республикабыз җитәкчелеге тәкъдиме белән без бүген шефлык итүче хәрби частька килдек. Егетләрнең хәлләрен сораштык, хезмәт итү тәртипләре белән таныштык. Район мәдәният хезмәткәрләре күңелле ял иттерделәр. Шулай ук Татарстанның төрле шәһәрләреннән килгән егетләр өчен татар халык ашларыннан өстәл хәзерләп, аларны сыйладык”, - диде район башлыгы урынбасары Ленар Хантимиров.