Апас бистәсендә Сабан туена бүләкне бизәлгән атлар һәм ретро машиналар белән җыйдылар
Скопировать ссылку
Апас бистәсендә милли кием кигән мәдәният хезмәткәрләре бизәлгән атлар һәм ретро машиналар белән Сабан туена бүләк җыярга чыкты. Бу хакта «Апастово-информ» хәбәр итә.
Алар урамнар буйлап үтте. Гармун уйнап, җырлап һәр йортның капкасын какты. Ә хуҗа-хуҗабикәләр исә алдан әзерләп куйган сөлге һәм яулыкларын бүләк итте.
Авылда яшәүчеләр бүләк җыючыларны җырлап, биеп, изге теләкләр белән озатып калды.