Җәмгыять 25 ноябрь 2018 22:00

Апас балалары уеннар аша юл йөрү кагыйдәләрен өйрәнделәр

Барлык катнашучыларга бәйрәм истәлеге итеп бүләкләр тапшырылды.

Скопировать ссылку

(Апас, 25 ноябрь, "Татар-информ", "Апастово-информ"). Каратунның "Гөлчәчәк" балалар бакчасында юл йөрү кагыйдәләренә, балалар иминлегенә багышланган чаралар еш үтә. 25 нче ноябрь - Аналар көне уңаеннан, бу юлы бәйрәм әниләр катнашында ярыш формасында узды. Бу турыда җирле басма хәбәр итә.

Балалары белән берлектә, алар өч төркемгә бүленеп көч сынашты. Төрле сораулар, биремнәр, уеннар аша юл йөрү кагыйдәләре, юл билгеләре буенча белемнәр тикшерелде. Юл-транспорт вазгыятьләрендә логик фикерләү, дөрес карарлар кабул итү сәләтләре ачыкланды.

Берничә атна элек шулай ук әлеге темага карата рәсемнәр бәйгесе дә игълан ителгән иде. Бу конкурста балалар бик теләп катнашты. Ахырдан жюри әгъзалары үз фикерләрен җиткереп, барысына да нәтиҗәләр чыгарды, җиңүчеләрне ачыклады.

Барлык катнашучыларга бәйрәм истәлеге итеп бүләкләр тапшырылды. Тәрбияви, мөһим чара эчтәлекле һәм оешкан төстә узды.

#Апас #Йолдыз

Сәхифәләр

Апас балалары уеннар аша юл йөрү кагыйдәләрен өйрәнделәр