Апас «Җәмигъ» мәчетендә дини нәсыйхәтне халыкка җиткерү алымнары турында сөйләштеләр
Скопировать ссылку
Апас районында «Җәмигъ» мәчетенә абыстайлар, мөгаллимәләр җыены булды. Бу хакта «Апастово-информ» сайтында хәбәр ителә.
Биредә Урта Балтайдан Мөнирә абыстай дини нәсыйхәтне халыкка җиткерү алымнары, Дәвештән Резидә абыстай яшь буынга дини белем һәм тәрбия бирүдә ислам әхлагының роле турында тирән мәгънәле вәгазьләр сөйләде.
«Хәҗәр» рухи-әхлакый үзәгеннән Эльвира ханым әле яңа гына Казанда узган форум яңалыклары белән таныштырды. Әлеге җыенда район мөхтәсибе Мирхәт хәзрәт тә катнашты. Ул үзенең чыгышында алда торган бурычларга тукталды.