news_header_top_970_100
news_header_bot_970_100

Антальяда шторм аркасында 38 кеше зыян күргән

Давыл теплицаларга зур зыян салган, җимеш агачларын тамырлары белән алып аткан, кайбер йортларның түбәләре каерылган.

(Казан, 14 ноябрь, “Татар-информ”). Төркиянең көньягында Анталья диңгез буе провинциясендә көчле давыл аркасында 38 кеше зыян күргән, дип җиткерә “Интерфакс”.

Давыл теплицаларга зур зыян салган, җимеш агачларын тамырлары белән алып аткан, кайбер йортларның түбәләре каерылган. Провинциянең өч районында – Демре, Кумлуджа, Финикеда агачлар һәм электр баганалары авып, электр белән тәэмин ителештә өзеклекләр килеп чыккан.

Табигать стихиясе Антальяга кичә кич зыян салган. Шторм башланганда, гаҗәеп зур дулкын ярга диңгездән биш метрлы үле китны чыгарып аткан.
 

news_right_column_1_240_400
news_right_column_2_240_400
news_bot_970_100