Анталия татарлары Төркиядә Татарстан көнен билгеләп үтә
Милләттәшләрнең бер өлеше Казанда узачак чараларда катнашырга ниятли.
Скопировать ссылку
(Казан, 29 август, "Татар-информ"). Анталия татарлары Төркиядә Татарстан көнен билгеләп үтәчәк. Бу хакта диаспораның социаль челтәрдәге төркемендә хәбәр ителә.
Очрашу урыны буларак "Жам пирамит" паркы билгеләнгән.
Анталия татарларының бер өлеше исә Казанда узачак чараларда катнашырга планлаштыра. "Казан" гаилә Үзәге янында Анталия татарлары чатыры урнаштырылачак.
Биредә иртәгә "Мәдәниятләр мозайкасы" республикакүләм этнофестивале уздырыла. Тамашачылар Татарстан Халыклары ассамблеялары һәм халыклар дуслыгы йортларының 280ләп милли-мәдәни берләшмә вәкилләрен күрә алачак.