Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
“Анталия татарлары” һәм Казанның 165нче мәктәбе татар телен саклау буенча килешү төзегән
Килешүне “Анталия татарлары” оешмасы әгъзасы Фәнис Зыялы һәм Казанның 165нче мәктәбе директоры Айдар Шәмсетдинов имзалаган.
(Казан, 22 апрель, “Татар-информ”, Зилә Мөбәрәкшина). “Анталия татарлары” оешмасының “Туган тел” мәктәбе һәм Казанның 165нче мәктәбе арасында татар телен саклау һәм үстерү буенча килешү төзелгән. Бу хакта “Татар-информ” хәбәрчесенә мәктәп директоры Айдар Шәмсетдинов хәбәр итте.
“Мин Анталия татарлары уздырган “Туган тел” дәресенә бардым, ул татар халкының бөек шагыйре Габдулла Тукай һәм татар теленә багышланды. Шушы чара кысаларында, “Анталия татарлары” һәм 165нче мәктәп арасында килешү имзаланды”, - диде мәктәп директоры.
“Киләчәктә бездән кирәк булган кадәр методик ярдәм күрсәтеләчәк, уку әсбаплары белән тәэмин итешәчәкбез. Болар барысы да татар телен үстерү максаты белән башкарыла”, - дип сөйләде ул.
Кызыклы яңалыкларны күзәтеп бару өчен Телеграм-каналга язылыгыз