Анталия Сабан туенда Төркия имамы катнашкан
Анталия татарлары һәм башкортлары беренче тапкыр Сабан туе үткәрде.
Скопировать ссылку
(Казан, 15 июль, "Татар-информ"). Анталия татарлары һәм башкортлары беренче тапкыр уздырган Сабан туенда Төркия Республикасында Татарстанның вәкаләтле вәкиле Айрат Гатауллин, Konyaalti районы имамы Süleyman Öztekin катнашкан. Анталиядә яшәүче милләттәшләребезгә Татарстан Президенты Рөстәм Миңнеханов котлау җибәргән. Бу хакта Анталия татарлары диаспорасы хәбәр итә.
Анталия шәһәрендә тәүге Сабан туе 13 июль көнне каланың "Бохара" ресторанында уздырылды. Аны тумышы белән Арча районыннан булган Фәнис Зыялы һәм Анталиянең Konyaalti районы администрациясендә чит ил вәкилләре белән эшләү советы рәисе Оксана Назарова оештырды.
Сабан туй һавасы милли ризыклар исе белән тулган.
"Бәйрәм үзара мәдәни яктан баюга китерә. Сабан туе халыклар бәйрәменә әверелде", - диелә хәбәрдә.
